У Чыгуначным раёне пражывае 164,4 тыс. чалавек. Колькасць эканамічна актыўнага насельніцтва складае 70 тыс.чалавек.
На тэрыторыі раёна ажыццяўляюць дзейнасць 1783 юрыдычныя асобы і 4115 індывідуальных прадпрымальнікаў.
Чыгуначны раён з'яўляецца магутным прамысловым вузлом. Прамысловую дзейнасць ажыццяўляюць 38 буйных прадпрыемстваў. Галіновая структура прамысловасці прадстаўлена машынабудаўнічым комплексам, вытворчасцю будаўнічых матэрыялаў, паліграфічнай, хімічнай, харчовай прамысловасцю і прыборабудавання.
Больш за палову аб'ёмаў вытворчасці раёна прыпадае на вытворчае аб'яднанне «Беларуснафта». У склад аб'яднання «Беларуснафта» ўваходзяць больш за 40 нафтаздабываючых, нафтасэрвісных, інжынірынгавых, праектных, газаперапрацоўчага і збытавых падраздзяленняў і прадпрыемстваў у Беларусі, Расіі, Украіне, Венесуэле, Эквадоры, Польшчы.
На тэрыторыі раёна ажыццяўляе дзейнасць ААТ «Гомсельмаш» - найбуйнейшы вытворца складанай сельскагаспадарчай тэхнікі, які ўваходзіць у лік лідэраў сусветнага рынку камбайнаў і іншых складаных сельгасмашын. ААТ «Гомсельмаш» сёння - сучасны шматпрофільны вытворца, які выпускае пад брэндам GOMSELMASH мадэльныя шэрагі збожжаўборачных і кормаўборачных камбайнаў, пачаткаўборачныя і бульбапрыбіральныя камбайны, касілкі і іншую сельскагаспадарчую тэхніку. Камбайны GOMSELMASH працуюць у Расіі, Украіне, Казахстане, Чэхіі, Славакіі, Румыніі, Балгарыі, краінах Балтыі, Аргентыне, Бразіліі, Кітаі, Паўднёвай Карэі і іншых краінах. Кампанія мае шырокую тавараправодную сетку, шэраг сумесных прадпрыемстваў і зборачных вытворчасцей.
Значны ўплыў на фарміраванне паказчыкаў эканомікі горада і вобласці аказваюць ААТ «Гомельшкло» , «Гомельскі завод станочных вузлоў» , «Гомельбудматэрыялы», вытворчасць якіх сертыфікавана на адпаведнасць сістэм стандартаў менеджменту якасці, абсталяванае найноўшым абсталяваннем.
На тэрыторыі Чыгуначнага раёна паспяхова працуюць кампаніі вырабляючыя рознага роду пакаванне: ЗВУП «Мультыпак», ВУП «Алкапак» , ЗВВП «Каштан» , ТАА «Новафiлм» .
ААТ «Гомельтранснафта «Дружба» - прадпрыемства ажыццяўляе перапампоўку нафты, якая паступае з расійскай часткі нафтаправода «Дружба» ў напрамку краін Заходняй і Усходняй Еўропы, забяспечвае вуглевадароднай сыравінай беларускую нафтахімію, ажыццяўляе транспарціроўку нафтапрадуктаў па тэрыторыі Беларусі.
З сакавіка 1998 года на базе паўночнага прамысловага вузла раёна функцыянуе свабодная эканамічная зона «Гомель-Ратон», якая налічвае 69 рэзідэнтаў з 17 краін з унутранымі і замежнымі інвестыцыямі.
Акрамя таго, на тэрыторыі раёна размешчан Тэхнапарк «Тэхнапарк Карал».
Пашыраны пералік грамадзян, якія падлягаюць абавязковаму дзяржаўнаму сацыяльнаму страхаванню.
Законам Рэспублікі Беларусь ад 22 красавіка 2024 г. № 365-З "Аб змене законаў па пытаннях прадпрымальніцкай дзейнасці" пашыраны пералік грамадзян, якія падлягаюць абавязковаму ўдзелу ў сістэме дзяржаўнага сацыяльнага страхавання.
Да іх будуць адносiцца грамадзяне, якія ажыццяўляюць індывідуальную прадпрымальніцкую дзейнасць:
- самастойную прафесійную дзейнасць, пры вядзенні якой выплачваецца адзіны падатак;
- рамесную дзейнасць, пры ажыццяўленні якой выплачваецца рамесны збор;
- дзейнасць па аказанні паслуг у сферы аграэкатурызму, пры ажыццяўленні якой выплачваецца збор за ажыццяўленне гэтага віду дзейнасці.
Пачынаючы з 1 кастрычніка 2024 г. гэтыя грамадзяне абавязаны выплачваць абавязковыя страхавыя ўзносы ў бюджэт Фонду сацыяльнай абароны насельніцтва. Выключэнне складаюць грамадзяне, якія адначасова з ажыццяўленнем індывідуальнай прадпрымальніцкай дзейнасці з'яўляюцца атрымальнікамі пенсіі.
Парадак выплаты ўзносаў і тэрміны вызначаны законапраектам як для індывідуальных прадпрымальнікаў:
выплата ўзносаў - не пазней за 1 сакавіка года, наступнага за справаздачным годам, за перыяды ажыццяўлення дзейнасці;
сума ўзносаў - 29 працэнтаў на пенсіённае страхаванне ад самастойна ўстаноўленага даходу, але не ніжэй чым ад мінімальнай заработнай платы;
Пакрокавае ўзаемадзеянне з Фондам сацыяльнай абароны насельніцтва для новай катэгорыі плацельшчыкаў узносаў:
1 крок - рэгістрацыя ў органах Фонду;
2 крок – выплата ўзносаў у бюджэт Фонду не пазней за 1 сакавіка (не пазней за 1 сакавіка 2025 г. – за 4 квартал 2024 г., наступныя гады не пазней за 1 сакавіка - за ўвесь каляндарны год);
3 крок - пасля 1 кастрычніка 2024 г. рэгістрацыя "Асабістага кабінета плацельшчыка ўзносаў" на карпаратыўным партале ФСАН (http://portal2.ssf.gov.by) без выкарыстання электроннага лічбавага подпісу для выдаленага ўзаемадзеяння з Фондам;
4 крок - не пазней за 31 сакавіка (штогод) прадастаўленне дакументаў персаніфікаванага ўліку па форме ПУ-3, толькі для тых плацельшчыкаў, якія жадаюць задэклараваць перыяды неажыццяўлення дзейнасці і тым самым заплаціць унёскі не за ўвесь год.
Інфармацыю аб тавараправоднай сетцы "Беллегпрама" і Бізнес-каталог можна знайсці на сайце канцэрна www.bellegprom.by
